.....
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 شوفوا الطفش ايش يسوي .. هع

اذهب الى الأسفل 
كاتب الموضوعرسالة
Ŧ.ő.Þ
Admin
avatar

عدد المساهمات : 165
تاريخ التسجيل : 10/03/2011
الموقع : في قلب g-dragon

مُساهمةموضوع: شوفوا الطفش ايش يسوي .. هع    الجمعة أبريل 29, 2011 7:36 am

السلام عليكم ورحمة الله وبركاته


من جد البارحه ماجاني نوم وودي أكتب لكم سالفه قديمه صارت لي
وقمت اتقلب يمين ويسار ثم يمين ماش النوم ماجاااني وقلت وش السوااات يافحووووطه قمت حطيت المخده على راسي ماااش مافيه فايده قلت الظاهر أغير الحركه اليوم وأقلب راسي تحت مكاان ارجولي ورجولي عالمخده<<مدلعه رجولهااا خخخخخخخ
وأشوى بعد عناء ومصارعه مع المخده نمت

المهم ياجماعة الخير في ليله من الليالي الطويله
يوم انا لاصغيره ولاكبيره << مقاس ميديم يعني في سن المراهقه<<أخص يالعجوز الحين

كنت طفشااااااااااانه وزهقااااااااااانه وواصله حدي مدري شسوي<<يمديكم عالقافيه
كنت ذيك الليله سهرانه وكل البيت نايمين ماعدا انا واختي الصغيره
وكنت أبحث عن شي يزيل هذا الشعور الكئيب

المهم ياجماعة الخير مابقيت شي من الحلول والمحاولات اللي يسونهااللي يمرون بحالتي الا وسويتها في ذيك الليله من نوم مروراً بالتلفزيون انتهاءاً بالمطبخ.....
التلفزيون ولاشي يفتح النفس واخيرا المطبخ قعدت احوس فيه وبلعت لين قلت بس ولافيه فايده طفش ماوراه طفش

قلت لازم ياعشوقه تدورين شي اكشن الا وفجأه نطت علي فكره جهنميه يوم كانت أختي جالسه جنبي
وانا كنت جالسه العب في شعراتها

خذو عندكم نبذه مختصره عن اختي الصغيره
مخلوق او مراعاة لشعورها بقول فتاة في مقتبل طفولتها اقولها يمين تروح يمين اقولها يسار تلف يسار مو حب فيني بس خوف من طرقاااااتي ممشيتها صح ...

المهم وأنا العب في شعرهاناظرتها وانا رافعه حاجب وابتسم ابتسامه صفراء ناصعة البياض...
ولاهي المسكينه تناظر فيني نظرات البرائه وتنزل عيونها وترجع ترفعها وتناظرني ونظراتي هي هي ماتغيرت
وقلت لها شوفي ياوخيتي انا احبك كثير وهي وجهها كأنه يتكلم ويقول وش عندها ذي مهب من عوايدها
قلتلها اقول انتي تحبيني صح تجاوب هي بهزة الراس

قعدت المس شعرها قلتلها شعرك حلو قالت ادري قلت بس لو كان مقصوص تطلعين احلى مثل سندريلا << اخص يالتشبيه والضعيفه قالت طيب وش اسوي قلت وشو وشالي تسويين لازم تقصين شعرك عشان تصيرين حلوه وهي تحاول تصرف الموضوع تقول خلاص بقول لماما بعدين
قلت لا لاتقولين لامي ثم تقولك لأ

بس انا عندي حل عشاني احبك وابيك تطلعين قمر << ياهوه على التمصلح
بقص شعرك هي شخصت عيونها ماعجبها الوضع ولاخشت الفكره راسها

وعشان أخلي الفكره تخش راسها ويصير الوضع في وضع الأكشن رحت وجبت المقص والبودره يقالك في محل كوافير والا اللي اتربع عالأرض وامسكها واحطها بين رجولي<<ماصارت بنت صارت غنمه
وبعد تعب حاولت اقناعها بطريقتي الخاصه <<عارفه بتقولون اجراميه

المهم بديت اقص على بالي اتفنن يمين ويسار ولا شي قصير وشي طويل وتوهقت وابدى اقص الطويل ويطلع اقصر من القصيروالله البلشه وش السوات ياعشوقه واحاول اواسيه ولا فيه فايده صار شعر البنت بوي وانا ماصلحته
وشكلها حست بفراغ والهواء يضرب عند رقبتها ومدت يدها بتمسك شعرها واضربها على يدها قلت لحظه خليها آخر شي مفاجأه عشان تستانسين << امحق مفاجأه الا مفاجعه

واكمل اللعب بالشعر مافيه فايده وتقفل اخلاقي وتوصل معي قلت ماعاد ني مكمله

الا شوي غيرت رائيي قلت هي خربانه خربانه خلوني اعميها مره وحده >> عميانه ببلاش
وأكمل واحوس واحاول بشتى الطرق اني اواسيه وتقريباً بدا يصير متساوي مع تعرج بسيط
والطامه الكبرى مدري وش لقفني ماتبت واروح للشعر اللي على جنب واقصره طلع شكلها غبي مرررررره قعدت اضحك على شكلها ووصلت معها قالت خلاص بعلم امي
قلت امي هاااااااااه وابلع ريقي قلت ليش قالت ليه تضحكين علي قلت مو عليك تحسبيني اضحك عليك انا تذكرت موقف وقعدت اضحك عليه بس شكلك انتي صار كذا << ياكبرها من فقشه
المهم انتهيت مع انتهاء شعر اختي المخفه رحت برفع المقص بالصيدليه الا ولقى مشقر الوجه حق امي
قلت والله فكره خل أصبغ شعرها <<الفراغ شين

وأجهزه حطيت البودره حقته مع الكريم تبعه وأرجع لها لقيتها تصيح <<قلت يالله بس بلا دلع بنااات<<مادرت أنها بيجيها تصفيق مو تصفيق و بس ألا تكفيخ وتفقيع عيون

المهم خل اكمل لكم السالفه<<أنا عارفه بتقولون راعية طويله بس يالله عاد وسعو صدوركم معي

وامسك خصل من شعرها وادهنه بالمشقر قلت هذا يرجع شعرك طويل بعشر ايام واروح اجيبلكم قصدير والف الخصل فيه بكل ذمه وضمير <<أمحق من ذمه وضمير
واخليه شوي ورحت اغسله مالها داعي ينحرق شعرها
وامسك راسهها بالمغسله وابدى افرك في شعرها كني ماسكةً قدر
خلصت طلع لون الخصل بنيه قلت احلى ياعشوقه حركات عندك مواهب مكبوته
واغتر بعمري واقولها بعد شوي اذا شفتي شعرك بتشكريني واقعد انشف شعرها بالأستشوار
الا وش طلع بعد مانشف بين اللون الحقيقي
برتقاااااااااااااااااااااااااا ااااااااااالي فااااااااااااااااااااااااقع <<يفقع العيون

ودوروني ماتلقوني كني ماخذه كف على خشتي وصار لوني اصفر على برتقالي
الخوف من ماي فاذر
ويبدى بطني يمغصني وش السوات ياعشوقه عز الله اللي رحتي فيها
والا بقومة امي وجت عندنا وقالت وش اللي مصحيكم لين هالوقت ورى مانمتو
وانتقلت عيونها من وجهي الى وجه اختي ورجعت عيونها لي مره ثانيه وعادت عيونها لوجه اختي بسرعه
خياليه بس مبققه وقالت بسم الله اللهم حولينا ولاعلينا وتبدى اختي عياط
قالت امي وش ذا وش ذا قلت بكل وساعة وجه بالله يمه مايجنن قالت امي الا يجنن الا واتشقق من الفرحه والخشه من الاذن اليمين الى اليسار<<حشى ماصارت خشه
قلت الله يسلم لي هالذذوووق يمه
ردت امي قالت يجنن من الرعب وش هببتي يالتعبانه وامي ودها تمحطني هذا كله كووم وقبل ماتشوف شعر اختي من ورى كووووم
ويم ألتفتت اختي توريها شعرها وشافت امي اللي ماينشاف خصلات فاقعه برتقاليه شي صغير وشي كبير شي متقارب وشي متباعد << آخر موضه
وتشهق امي ذيك الشهقه وماسكه يدها على قلبها قلت الله يستر لاتفطس وتصير برقبتي
وانواع التحيسب علي
قالت امي كل شي يهون عند ابوك اذا شافها
المهم قلت بروح انام <<العطه بس من الموقف
واسحب اختي معي عشان ماتصحى قبلي وتوهقني وساعه اهوجس ببوي لين نمت وانواع الكوابيس بشعر اختي
وآخر حلم حلمت ان شعرها هو هو نفس ماكان
وافز مبسوطه على بالي اللي حصل حلم واتفاجئ بالرعب اللي هو شعر اختي كنه شعر اسد محسحس <<هذا وانا أقول حققت طموحي
واتعوذ من ابليس وارجع احط راسي واخمد

المهم قامت اختي على وقت الغداء وانتبهت لها وانقز اقوم وانا فيني نووووووم قلت وين
قالت بنزل اسمع ابوي ينادي على الغداء
واقعد افكر عن حل وجبت منشفه ولفيت فيها راس اختي يقالها متروشه
وننزل وكأن شي ماصار
تغدينا وخلصنا وطلعنا للغرفه وتفسخ المنشفه ويناديها ابوي وانقز البسها المنشفه وعلى هالحاله كل اليوم واحس ابوي يقول بقلبه وش هالشعر اللي من الظهر لليل مانشف لين مر اليوم الاول بسلام

وجاء اليوم الثاني
والبسها طربوش شتوي<< في عز الصيف
وابوي يضحك عليها قال يابنيتي وش ملبسك هاللبس بذا الحر
قلت جااااااااااااااك الموت ياتارك الصلاه
وقعدت أنتظرالموقف الحاسم

واقوم اصرف يمين ويسار وقلت يالله تعالي أبيك شوي<<وكلهم يطالعوني وش هالحنيه اللي طبت علي

عدى اليوم الثاني بسلام

ومع شروق شمس اليوم الثالث
بدائت المأساه مره ثانيه<<بلشه ونشبت فيها
طبعا شوي واحط كلبشات بيدي ويد اختي المهم كنا طالعين ألا ابوي في وجهي ودوروني وقتها ماتلقوني
قلبي قام يرقع تقولون داخله طق سامري ورجولي قامت تراقص
واجي قدام أختي يقالكم بغطي عليها وقال ابوي وخري أشوف ويعطيني ذيك النظره اللي ماشفت مثلها بحياتي
قلت هاااااااااااه قال وخرييييي قال أقول وخري يعني توخرين وبدى الشرار يطلع من عيونه
قلت يبه وانا أبالع ريقي من كبري عشان أوخر أنقز من فوقي كان تبي تمشي قال وجع فهلا وجع بنيه المهم
يوم شفت الرجال مصمم واتشهد وأصفط على جنب بنتظار المخالفه<<ألا بانتظار المشنقه
ويشوف اختي ويشوف اللي ماينشاف شعرها

ويصرخ ذيك الصرخه احدثت هزه ارضيه والسقف قام يتهزهز والابواب تفككت المسامير << ياكبرها من فقشه عاد
قال وش ذا عساكم اللي مانيب قايل
قام يناظر فيني وقال لأختي من مسوي فيك كذا قلت بقلبي هوه فيه غيري
ويعطيني ذيك المحطه اللي عمري كله مانيب ناسيتها<<لو سمحتو بلا شماته انت وياه
وعقبها لو وش يصير لي من أنواع الطفش أحسب ألف حساب قبل مأقدم على أي خطوه يسار<<بدى التحشيش

يالله سلام قبل لايكثر


ملاحظه :

القصه من خيالي ولا قد صارت

لأنها لو تصييير يالويلي من امي مو ابوي

خخخخخخخخخخ
:shock: :shock: :shock: :shock:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://korea.forummaroc.net
amber

avatar

عدد المساهمات : 49
تاريخ التسجيل : 11/05/2011
العمر : 21
الموقع : فى بحر خيالى

مُساهمةموضوع: رد: شوفوا الطفش ايش يسوي .. هع    السبت مايو 28, 2011 12:38 pm

ههههههههههههههههههههه اتفزعت بصراحة

طول القصة كنت بفكر في المسكينة اختك واللى حصل فى شعرها

هههههههههههههه الحمد لله طلع خيال

يسلموووووووووووووووووووووووووو مرة جنان القصة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://koreainmyheart.forumegypt.net/
Ŧ.ő.Þ
Admin
avatar

عدد المساهمات : 165
تاريخ التسجيل : 10/03/2011
الموقع : في قلب g-dragon

مُساهمةموضوع: رد: شوفوا الطفش ايش يسوي .. هع    الأحد يونيو 12, 2011 11:50 pm

خخخخخخخخخخخخخخ

هههههههه اصلا يا ريت اني عندي اخت صغيره اخررف من عقلي هع

يسلمو ع" المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://korea.forummaroc.net
ملامح كوريه

avatar

عدد المساهمات : 82
تاريخ التسجيل : 28/04/2011
الموقع : ٍٍٍفي ارض مشاهير كوريــــاٍٍٍٍ

مُساهمةموضوع: رد: شوفوا الطفش ايش يسوي .. هع    الأحد يوليو 10, 2011 4:24 am

ههههههه كمساميدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ŧ.ő.Þ
Admin
avatar

عدد المساهمات : 165
تاريخ التسجيل : 10/03/2011
الموقع : في قلب g-dragon

مُساهمةموضوع: رد: شوفوا الطفش ايش يسوي .. هع    الأحد يوليو 10, 2011 7:25 pm

منوره حبي

نورتي اللاب مو بس الصفحه :geek:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://korea.forummaroc.net
ملامح كوريه

avatar

عدد المساهمات : 82
تاريخ التسجيل : 28/04/2011
الموقع : ٍٍٍفي ارض مشاهير كوريــــاٍٍٍٍ

مُساهمةموضوع: رد: شوفوا الطفش ايش يسوي .. هع    الجمعة يوليو 22, 2011 7:01 pm

يسلموووو قلبوو :P
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ŧ.ő.Þ
Admin
avatar

عدد المساهمات : 165
تاريخ التسجيل : 10/03/2011
الموقع : في قلب g-dragon

مُساهمةموضوع: رد: شوفوا الطفش ايش يسوي .. هع    السبت يوليو 23, 2011 5:27 pm

يسلمك ربي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://korea.forummaroc.net
ƒǾǿƒễę

avatar

عدد المساهمات : 38
تاريخ التسجيل : 01/08/2011

مُساهمةموضوع: رد: شوفوا الطفش ايش يسوي .. هع    الإثنين أغسطس 01, 2011 6:31 am

ههههههههههههههههههههه حلوه

اناعندي اختي الصغيره بس شريره شوي

مااتخلي احد يلمس شعرها وش عاد تقعدين تقصقصين فيه ولاتضحكين عليه هي بس

مره البست ثوب جديد وكان شوي يضحك

المهم لماطلعت مااضحكت ابتسمت ابتسامه بغت تفجر البيت

كومايوو على القصه الخياليه الحلوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ŧ.ő.Þ
Admin
avatar

عدد المساهمات : 165
تاريخ التسجيل : 10/03/2011
الموقع : في قلب g-dragon

مُساهمةموضوع: رد: شوفوا الطفش ايش يسوي .. هع    الإثنين أغسطس 01, 2011 5:17 pm

ههههههههههههه

يسلمو ع" المرور الحلوو زيك يآآ عسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://korea.forummaroc.net
 
شوفوا الطفش ايش يسوي .. هع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كـوريـآ كـول  :: الـمـرح و الـتـسـلـيـة :)-
انتقل الى: